Ffordd o fyw yw ffermio ac yn sicr nid yw'n rhagfynegadwy. Dyna pam fod yn rhaid i'ch fferm fod yn ddigon effeithlon i dyfu cnydau sy'n gynaliadwy ac yn broffidiol nawr ac yn y dyfodol.
Nid oes yn rhaid i reoli sylffwr glaswelltir olygu newidiadau mawr. Gall dim ond newid gwrteithiau roi canlyniadau trawiadol.
Mae rhoi gwrteithwyr sy'n cynnwys nitrogen a sylffwr yn golygu bod y glaswellt yn defnyddio nitrogen yn fwy effeithiol, rydych chi'n cael mwy o gilfachau o ddeunydd sych fesul kg o nitrogen rydych chi'n ei gymhwyso.
Nid yw diffyg sylffwr yn ffenomenon newydd. Mae lefelau sylffwr mewn pridd wedi bod yn dirywio ers blynyddoedd felly gŵyr pawb ohonom bod angen delio â'r sefyllfa. Felly, beth ydych chi'n ei wneud i sicrhau nad yw eich glaswelltir yn dioddef o ddiffyg sylffwr?
Mae rhai atebion hawdd ar gyfer delio â diffyg sylffwr:
Mae 88% o briddoedd glaswelltir yn ddiffygiol mewn sylffwr
Mae 85% o briddoedd âr yn ddiffygiol mewn sylffwr
Mae pob planhigyn, gan gynnwys glaswellt, angen lefelau digonnol sylffwr i allu defnyddio nitrogen yn effeithlon. Gyda'i gilydd, mae nitrogen a sylffwr yn flociau adeiladu hollbwysig ar gyfer protein, felly dylid gwasgaru N a S ar yr un pryd.
Mae sylffwr yn ymddwyn yn debyg iawn i nitrogen yn y pridd, yn trwytholchi'n hawdd ar ffurf sylffad yn union fel y gwna nitradau, golyga hyn y dylech ei drin yn yr un modd â nitrogen. Ni fyddech yn defnyddio ein holl nitrogen mewn un tro a disgwyl iddo fodloni gofyniad y borfa drwy gydol y tymor tyfu, felly pam y byddech chi'n trin sylffwr fel hyn? Mae gwasgaru sylffwr mewn un tro yn golygu bod potensial mawr i lawer ohono drwytholchi drwy broffil y pridd ac nid yw wedyn ar gael ar gyfer y cnwd. Mae defnyddio sylffwr fesul dipyn ac yn aml, fel y byddech yn ei wneud gyda nitrogen, yn sicrhau bod gan y glaswellt fynediad ato drwy gydol y tymor tyfu.
Rheswm arall dros ddefnyddio sylffwr fesul dipyn ac yn aml ynghyd â'ch nitrogen yw bod yna berthynas agos iawn rhwng y ddau faetholyn. Fel y soniwyd, ni all y glaswellt gymryd a defnyddio nitrogen yn effeithiol oni bai bod digon o sylffwr yn bresennol. Gyda mwy a mwy o bwyslais yn cael ei roi ar gynyddu effeithlonrwydd defnydd nitrogen (NUE) ar ffermydd, mae hon yn un ffordd hawdd i ddechrau gwneud hynny. Mae sicrhau bod digon a nitrogen a sylffwr ym mhob gwasgariad yn golygu bod y ddau faetholyn yn gweithio gyda'i gilydd sy'n well ar gyfer y glaswelllt, yr amgylchedd a'ch poced.
Mewn cyfnod sy'n ariannol heriol mae'n debyg ei bod yn teimlo'n ddewis hawdd i leihau costau. Ond gall hynny fod yn aneconomaidd. Gall yr arbediad a wneir ar sylffwr fod yn ddrud iawn i chi o ran cynnyrch - hyd at 30% o golledion yn ôl yr AFBI. Dim ond drwy edrych ar safleoedd cyfartalog, yn seiliedig ar ddata treialon gall defnyddio sylffwr roi 10% yn rhagor o gynnyrch.
Er y byddai Yara bob amser yn eich annog i samplu pridd fel eich bod yn rhoi gwrtaith sy'n briodol i anghenion eich tir a'ch cnydau, mewn achos diffyg sylffwr, mae hynny bron yn ddiangen. Gwyddom fod pridd yn ddiffygiol mewn sylffwr. Wyddoch chi beth yw canlyniadau peidio â delio â'r diffyg hwnnw? Gallai gostio hyd at £20/erw i chi!
Ond mae newyddion hyd yn oed yn well mewn cynnwys sylffwr yng ngwrteithiad nitrogen: mae sylffwr yn gwella effeithlonrwydd defnydd nitrogen. Mewn geiriau eraill, mae buddsoddiad mewn sylffwr yn golygu bod eich buddsoddiad mewn nitrogen yn mynd ymhellach hefyd. Ac fe welwch lai o wastraff i'r amgylchedd...mae pawb ar eu hennill!
Bydd defnyddio sylffwr yn rhoi 10% yn ychwanegol o gynnyrch glaswellt
Mae cynnydd gan 10% o gynnyrch yn golygu tunnell ychwanegol o silwair toriad cyntaf fesul erw
Yn seiliedig ar y prisiau presennol, mae tunnell ychwanegol o silwair fesul erw yn werth £20
Sut bynnag y byddwch yn edrych ar y sefyllfa mae'n gwneud synnwyr i ddefnyddio sylffwr, ond beth am gael golwg ar ychydig o ffigurau.
Bydd gwasgaru sylffwr drwy ddewis YaraMila Extragrass (27-5-5 + 6% SO3) neu YaraMila Stockbooster S (25-5-5 + 5% SO3 + Se) yn hytrach na defnyddio cymysgedd nodweddiadol 27-5-5 yn rhoi 10% yn rhagor o gynnyrch silwair toriad cyntaf i chi. Mae hyn yn cyfateb i 1 dunnell ychwanegol fesul erw a fyddai'n werth £20 yn ychwanegol.
Ond, mae angen i chi gofio y bydd 1 dunnell o wrtaith yn trin 5.5 i 6.5 erw (yn dibynnu ar y gyfradd wasgaru), felly mae newid i YaraMila NPKS cyfansawdd yn werth rhwng £110 a £130 yn ychwanegol fesul tunnell o wrtaith.
Mewn geiriau eraill, byddai angen i wrtaith cymysg 27-5-5 fod yn £130 y dunnell yn rhatach na'r gwrtaith Yara dim ond er mwyn peidio â gwneud colled.
Pe byddech yn dewis gwrtaith cymysg rhatach heb sylffwr yn hytrach na gwrtaith cyfansawdd YaraMila byddai'n rhaid iddo fod £117 - £140 y dunnell yn rhatach dim ond er mwyn peidio gwneud colled, yn seiliedig ar yr ymateb o ran cynnyrch y silwair ail doriad.
The following grassland fertilisers all supply balanced nutrition including nitrogen and sulphur
Yara supply our solid and liquid fertilisers and micronutrients in Wales through a network of local suppliers Use our interactive map to locate your nearest suppliers.
Find out how your farm can become more productive, profitable and sustainable by future proofing your resources, your profit and our planet.
